وراك يابنتي من الصبح تبكين
ترى دموع العين ماهي خفيه
تبكين وآبكيتي صغارٍ بريين
وآنا بعد دنيتها هاشميه
مير البكا والحزن ماهو بها اللحين
فرقا بنات الناس ماهي قضيه
الياتعدت عشرة ايام تنسين
انتي وهن كلٍ يسليه حيه
لكن اليا حطو على راسي الطين
هاك النهار اليا بكيتي عليه
ومدام انا وانتي على الارض حيين
ياسعد عينك لو بكيتي شويه
والله لا نسيك الزعل لين ترضين
ومهدلك الدنيا فجوجٍ فضيه
واحماك مثل حماية الجفن للعين
وكلش فداك اليا بغيتي شريه
يفداك ماشافت عيونك من الزين
لوان متر الثوب من خمس ميه
لواني اسجل على ذمتي دين
زودٍ على مايملكنه يديه