كنت أدس الحزن داخل ضحكتي،
لين ليّل صوتي وتاه الكلام . .
آتعكّز ف المسافة حسرتي ، .
وآتوسّل خطوتي: كوني سلام . .
كيف صار الياس ياكل وقفتي:
لين مِلت وطحت ف اكوام الملام؟
المسافة: صمت يخذل خطوتي،
والمنافي: صبح يخنقه الظلام . .
كنت ألحّف ب انكساري حاجتي:
كنت أخبّيها وانا كلّي حطام،
لين ذبلت كل خطوة ل فرحتي،
وإنتظرتك كل ما اْلتم الغمام،
علّميني ويش اسوي ب صدفتي؟
كلّفتني سنيييين، هذا مو حرام؟
إفتقدتك لين ملّت وحدتي:
اااااخ يامقسا شعور الانهزام
صرت دايم بس أردّد دعوتي :
الله يرزقني معك حسن الختام،