أحتاج لك شي يغشى غلطتي بالقنوت،
ماْ أحتاج لك دمع في غفلة ذنوبي سَها،
أملى كفوفي ب وجهك وأتوضّا السكوت،
وأتلبّْسك غيمةٍ تمطر رغَم ياسها،
من قبْل هذي المدن لا تختنق بالبيوت،
حتى قبل هالقرى لا تلفظ انفاسها،
كنت آتلحفّك ليلٍ وآتسوّلك صوت،
كنتِ مدينه.. وأنا ؟ أنا شقا ناسها،
يا دعوه تمسّكت ب آمينها لو تموت:
تموت ما دقّت إيد الحاجة أجراسها،
أحتاج لك حلم يملاني يقين وثبوت :
"أحتاج لك "؟! آآآخ ياهو موجع احساسها