مجنون كانك تقول البعد ذابحني
لا والله إلا بعادك ريّح اعصابي
مابي لك احراج .. ولابي منك تحرجني
حاول تعيش وتشوف العمر ف غيابي
ان كان ودك هزيل العشق يكتبني
ماظن وفيّت سطر ب مجمل كتابي!
شاعر هواوي .. وشوف الريم يلهمني
احّل وارحل .. اساير بالهوى ركابي
احيان لون الشفق والشمس يجذبني
واحيان فيروز ليله يسرق اعجابي
واحيان نفسي ف نفسي حيل تجهلني
والحب واجد .. ودونه قافلٍ بابي
ماكل بيتٍ اقوله .. يعني ترجمني
ولا كل بيتٍ اقوله .. يفقد اعرابي!
مجنون كانك تقول البعد ذابحني
لا والله إلا بعادك ريّح اعصابي