مايدرك الجرح.حيث الجرح قتالي
الا الذي والف الطاعه ولا مالي
شيخٍ توكا عصاته ثالثة رجله
يبكي على فرضه الي. عنه ماجالي
ولاّ صبيٍ تحاما طيب المنشا
مايسبل الثوب في ممشاه يختالي
أو مسرفٍ تاب قلبه واحسن التوبه
عقب الجهل لازم الطاعه ولا حالي
نياتهم في رضا الباري وهجرتهم
لله ماهاجرو يسعون للمالي
تذكرو موقف السبعه تحت ظله
وسعو يبون الفضل.. والمنزل العالي
حب المساجد ربا بقلوبهم وأزهر
وذاقو لذاذة هواه وطعمه الحالي
وش حالهم حينما يطرق مسامعهم
صوت الاذان العزيز الشامخ العالي
ونادا المؤذنُ صلو في رحالكمُ
ودموعهم في محاجرهم لها صالي
قد حال مابين خطوتهم ومسجدهم
وباء مايرحم الأول ولا التالي
على اجتماع الاحبه مالهم حيله
وقلوبهم صابها فالشوق زلزالي
لولا ان هذا نصيب ومن قدر ربي
ويرضون من عدلهم في حكمة الوالي
كان استثارت على الفتنه زوابعهم
إلين تقلع مداها جوف الأهوالي
يالله يارب يالله تكشف الغمه
وتجعل لنا فالعواقب خير منزالي