نصيبك طفلك الرغاي
معادتش تنيمه حدوته
بقي يفهم كل احلامك
وعيدي تاني م الاول
كان ياما كان وتوته توته
ياشايلاني وشايله ف همومي
لامتي تدادي وتضمي
لامتي تطبطبي وابقي
كما العيل
معادش حبي انا قليل
معادش خوف من ليل
بقيت اجدع من الاول
مانا الصاحب
وانا الجندي اللي جاب نصرك
انا الدم اللي كل ماسال يبان اصلك
انا الحق اللي كل ماهان
تلاقي ميزان العدل بيناصرك
انا شروقك
انا المعني اللي عاش
مسنود علي عودك
انا وعودك
انا القصه اللي من مينا
انا المينا
وانا القلب اللي بيحبك
دا كلهم قلوب زيِنه
وانا المشهد
اللي لايمكن يكون بالزيف
وانا الشاهد الاقوي
اللي لايحتمل تزييف
وانا الدين اللي وحدي برئ
انا المصري
الغني جدا عن التعريف.