يالله يا عالم سراير خاطري
اتعصم نفسي عن دروب الميل
ما تنغفر لي من ابن آدم زله
وإنك بزلات العباد حميل
واللي قنط عبدك عثر بذنوبه
وكل بنياته عليه جبيل
ونحنا خطايانا اثقال علينا
ورحمتك عنها ما يكون فضيل
عنيناك يا خلاق دنيا وآخره
سميع بصير يا إله جليل
اسمح لنا واغفر لنا زلاتنا
يا من جزاه المن عصاه امهيل
زمان يصافيني بغير موده
امصد ولا لي في هواه حجيل
شروات من يتبع بروق دونها
صيف ولا منها يظول ظويل
عليك يا مختال برق شامي
صفاري إلى بانت نجوم اسهيل
تنزو عليك إمن المغيب ردايم
عليها من إيلال البروق شعيل
واتبين في قدم الكنوف شوامخ
بوارع كنها جميم انخيل
باتت وبات البرق يزفن بينها
كساها على ثوب السواد ابنيل
الله يسقي كل عام دارنا
من مزنة ترعد مساء ومجيل
تطرب قلوب الممحلين الصوتها
وتوقظ اللي في المنام اذهيل
تسمع صبيب الودق بين امزونها
لها من مياعيد الكريم وشيل
إن ما توالاك الإله ابنظره
ما كان لك صعب الزمان امحيل
بعثنا على دين الحبيب محمد
ايثور بنا لي بار كل اعميل
وأنا إلى يرحت رسوم افوادي
تيقنت إن المبريات جليل
نفسي أعالجها الدوا ما فادها
إلا بلطف إمن إله فضيل
خايف على الدنيا تروح وتنقضي
وتمرّ عنا مثل حلم الليل
ولا حصلت نفسي على مطلوبها
هذا ولاخل ايثيب خليل
ما عثرت غير الهبيل الضايع
ايظن بها قيد الحياه طويل
وجه سواها له امبش وحاسد
برق ولا منها يظول ظويل
لا عن يغرك لو يطيب إلسانها
تخبث إلى صار الفؤاد عليل
واللي توده باطني وظاهر
تسمح ولو هو من جداك ايعيل
واتغفر زلاته ولا تطريها
ويكون له طرف العيون كليل
وهاذيه فن ما يقوله غيرنا
وأهله غدوا في ذا الزمان جليل
تيفان بن ظاهر وعصر ماضي
عيب على بيت يقال هزيل
ونحنا ترى أمثالنا لمثالهم
ومسايل تتبع مغاني سيل
ولا يندخل نفسي على صندوقها
لو هي على لفظ اليواب دليل
رديت من هذا الحديث الغيره
ولا اشوف منشاب عليّ عضيل
مثايل ما اقولها وانساها
لا نا ولا اللي يفهمون الجيل
ولا نا من اللي يلعبون ابجيلهم
مر على الصايب ومر اضليل
من بعد ذا قم يا نديبي يود
على أربع متفنجات أو حيل
هويا بني عم إذا خاويتهم
يدعون تكات الصدور فليل
يوم استوى أيوادهن واصطفن
يصفح لهن قلب الهوى ويميل
من فوقهن يا عد وخري وساحه
من نسج بنت للشريف عميل
لي روحن كن الغدير هواهن
لو عاد لاهوب يصور مليل
يقضن الحاجاتك إلى من صابك
نوب من أنواب الزمان هويل
تدب عداك اللي ركبت اظهورهن
تأديب حج في الحبال ذليل
من كل وافية الينوب امشلوعه
عطايات عند اللي عطاه جزيل
ينصن ولد زايد ودار فيها
حمدان يعله امن الإله كفيل
سلم على شيخ إلى من ييته
قرم على وزن الرجال ثجيل
وثن التحيه له أو خص إخوانه
وأما بقى رد السلام جميل
عساك تلفينا ابعلم طيب
يبري من الكبد السجيم عليل
شيخ كريم ولا تعد فضايله
وفنه على باجي الفنون ثليل
مثل القمر لي شايعات انواره
عنده غدا نور النجوم إفيل
ذلت له الدنيا أو كان اخزامها
من خوف لا ترقص بنا وتعيل
حط الشداد على اغلاظ امتونها
وهون رزمها من خلاف صهيل
عساه يملكها ابعز وقوه
وهجن مع ذربات الرجال أو خيل
ليما يقضي حالته بحواله
وسيف من اسيوف الهنود صجيل
ولا يدافع نايبات اشراره
ما كان سبع في جوانح لبل
ولا كسعت دونه الأفاعي روسها
ولا ياز مرتفع بناه طويل
ولا زاد من ماي القراح مزاده
ولا ذاق علات خلاف انهيل
يا شيخ أنا ما بي ادقاق معاني
بي قول حساد كلامه ميل
والناس فيها من محب ومبغض
وكل على قرصه يهيل مليل
والله لو ما لك علينا ضفوه
وجمايل مداوسات جميل
ونرجيك في صكات بقعا أو غيرها
رجوى الوسامى والزمان امحيل
لتشلنا عسم اليدين الديره
وانشق المبغض اخشوم فتيل
انحمل زلات الصديج عشانك
ونهوش بك والظن فيك يميل
وإلا نحن لي ما يعال علينا
ونكبر العيلات يوم انعيل
من يتق الرحمن يعصم حاله
ومن رحمة المولى يجيه وسيل
وصلوا على الهادي البشير محمد
بعداد ما غنت حمايم غيل
والآل والأصحاب ثم اتباعهم
بعداد ما عود ابنسيم ايميل