البارحة يوم الأوادم خواشيع
في نومها وناعلى الكوع واعي
همنيمزع سترة القلب تمزيع
تقول ينهش ثومة القلب أفاعي
خذت القلم من بين روس الأصابيع
وحبيت اميز سيرتي وانطباعي
عزلت من صدقان عطلة الأسابيع
وعزلت من ضحك الوجيه الصناعي
وعزلت من بنين بأمالي مشاريع
جميد برد ولانس الشمس ماعي
وعزلت من زرع الخلي البلاقيع
وعزلت من رفع الثنية رباعي
من نفعة اللي ما طلبني منافيع
جميلة نفي غير أهلها ضياعي
في أسواقها ما عاد لشري ولا بيع
لخطيت من رفقة طويل الذراعي
اللي على الرفقة يسوقه دوافيع
هذاك تشرى رفقته ما تباعي
إما يشجعني على الطيب تشجيع
وإلا يعلمني حميد المساعي
وإلا ليامنه رمعني رواميع
وضاقت على كل الفجوج الوساعي
جيته ويسرلي عسير المواضيع
وخلا خفايا خاطري له وساعي
معرفته ماهي معرفة طماميع
ما تنتج إلا الغطرسة والضياعي