ياتل قلبي تلتينن بنتله
كنه من الأضلاع ينتل بسلسال
من وضعي اللي شايف فيه شتله
دنيا تخلي صاحي الفكر يهتال
أحدن توريه السعد واضحكت له
وتخلي أزنوده قويات وعتال
وأحدن ليا منه مشى خطرشتله
مر ن يطيح ومر للحمل يشتال
يبغى يصافيها وهي ما صفتله
لا كان وده يفعل الطيب ماحتال
وضعه يسوقه والليالي أتختله
ويصير بين أثنين ناقض وفتال
يا حمود شف للوضع والا التفتله
شرواك له فالطيب منهج ومبتال