عارف مهما تقول يا ضمير
ومهما تقول الدنيا.. بخير
تلقى التدليس... والتزوير
مالى حياتك. مالى حياتى
عارف ان حاميها حراميها
حاطط ايدو ف ايد أعاديها
وبلادنا بيتمخطر... فيها
ابن الظالم. وابن العاتى
عارف ان الكلمه... تدينك
مكتوب الذل على..جبينك
والرعب أنا شايفو ف عينك
ياللا قوام زود...مأساتى
عارف ان شقاك مش ليك
وفسادهم بيحاصر. فيك
فقرك سد الدنيا...عليك
وهمومك أمسك..والآتى
عارف ان الجهله... لفوق
ماسكين ف زمامك ما تفوق
سايقينك بلطافه...وذوق
لحد ما تبقى.. ف الأموات
عارف ان الفكر. جديد
محسن ماصص دم سعيد
وفقيرنا بقى..ع الحميد
وبنبايع.. فى الانتخابات