عايز تمشي
وتفارق
وتهرب م الأسي المارد
تطاردك الهموم ينهشك حزنك
وتفضل ف العذاب خالد
داوم فكرك المشئوم
وافضل ع الدوام بتلوم
فكر بفكرك المظلوم
وعيش حياه مره كئيبه
واغرق ع الدوام ما تعوم
يا فايت عمرك الهادي
وماسك دفة الأحزان
مضيع سكتك عادي
وماشي ف سكة الأوهام
كئيبه الخطوة والسكة
تقيله الفرحة والأحلام
شاغل ع الدوام نفسك
مشيلها الأسي علي طول
تحط الوحشة في دماغك
منين ما تروح منين ما تقول
فايت نفسك لنفسك ليه
ما تسيبها علي الرحمن
أيه يسوي هنبكي عليه
ما دام زايله وإحنا كمان