ابيك تكون لي مركب واكون بمركبي قبطان
اوجهّك وتوجّهني لساحل أرض أحلامي
أنا قلبي غدا قبلك وحيدن ظامين تعبان
ومن شفتك نسيت همومي وجروحي وآلامي
أنا ما شافتك عيني سوى قمره بشكل إنسان
ولو حلّّ المساء لحظه يبيّن نورك السامي
يدلّ بنوره التايه بوسط اليم هو غرقان
يزيّن كون معشوقنٍ قبلك كان هو ظامي
أمانه يا ربيع العمر إذا ما شفتني ولهان
أبي تقبل على صدري وبين أحضاني تنامي
تحبّيني تودّيني إلين أصبح أنا العشقان
وأنام بحضنك الدافي وأحقق باقي أحلامي
أمانه لا ترديني إذا جيتك أنا طلبان
بعض همس الكلام اللي يشعشع نوره قدامي
أمانه لو تشوفي زهوري ذبلانه بهالبستان
أسقيها رحيق الحب وقيها صيفها الحامي
كثر هرجي بأماناتي وعيني ما تشوف أمان
دخيلك لحظه بربّك عنّك مابي فطامي