مطار القصيم أرجوك لا تأخر المخذول

مطار القصيم أرجوك لا تأخر المخذول

أبي خطوتي عجله وأنا هارب من أحزاني

ولبغي انتظار الطائرة والعبور يطول

كفاية من عذابات انتظاري كل ما جاني

قضى عمر انتظار ولا تحقق من المأمول

سوى جرٍح بقلبي ساكتٍ عنه وأضناني

وعدني ما يبعّد لين نلقى للظروف حلول

ولو ينسى جميع الخلق أنا ما راح ينساني

طلب مني أطول بالي وسويت زي ما يقول

وعطاني فيه أمل كان الله أبقاه وأبقاني

وبعد عمر طويل وكلّ صبري والسنين تطول

فجعني خبر كذب الوعود وكيف خلاني

لو العذر يتأنق عن غيابه ما هو مقبول

جميله منه يحفظ عقب ما غاب عنواني

قضى وانتهى شفي وأنا عن جرحي المسؤول

أبي أتحمل غلط دربٍ كرهته عقب وداني

وأبا أسافر على دارٍ أعيش بكونها مجهول

وابرجع بعد ما تشفى جروحي لله أشفاني

مطار القصيم أغادرك والعقل مذهول

ضربني الحزن محدٍ من الناس واساني