صطابني ما حدني حداك
قبل نمشي وما تلقاني
تكلم وعبر على هواك
قبل يبقى مجرد معاني
قرب كنت بعيد اومعاك
انا بلا بيك غريب براني
دير يدك فيديا
اجي نطوفو لكون
نعيشو لحظة منسيا
بعيد علعالم ولعيون
لحظة عشق محظيا
اسود وبيض او بلون
الوقت خداني وخداك
ماشي دابا تقولي نساني
يا قلب ما بحالو قلب حنين
ولسان يقطر حلاوة وشعار
وزين خلاق مابحالو زين
ولا يجيب عمروخبار لعار
شوية ترابي ويمان ويقين
وعين ميزانها تعرف لعبار
ايلا نسيتي تفكر سنين هواك
وايلا غضبتي خلي لغضبة بلعاني