وتمنيت من صغري أقول
فارس
وحصاني في رمحه مهول
صابر ياخواننا
وفي قلبي الصبر .. وبرضو بأقول
الحق خالقني
بحق طبيعي ف كون معدول
ويامين يلايمني
وواجه جند مغول
ولأني ألاقي الحلم
يضيع مني .. ومقتول
مش ضامن بكره الجاي
من بعد مانهبوا الغول
الأرض رويها بعمري
وعرقي زارعها دراع مفتول
ملوالجرانين
تصدير بإدارة
وكله سطو علي المحصول
وعشقت الأرض
وأحب العشق ف قلبي يطول
وف قلبي محبة
وكلي محبه
وكره لكل كريه مسطول
يحاسبني جنابه تحت المجهر
خطوة بخطوة وفعل وقول
ولما بيحتاجلي
يلاقيني في الصف
وف أول رول
وساعة ماأحتاجله
أحتارفي هروبه
ماهو بقي مسئول
وفقير
علي قد ما إيدي ياخلق تطول
ماأكتمش في قلبي القهر
وأتوه في النول
يغزلني الحاكم
وي الحاشيه ومش معقول
أشرب من مُر العيشة وأقول معسول
والحق خالقني بحق طبيعي
ف كون معدول
لو أخدوا حواسي الخمسة
وروحي برضو هاأقول
دستور إيه ياعم ؟
اللي يعلا علي دستور السما
داللي مايشفش م الغربال
صحيح جاب لنفسه العما
وحطت عليه لعنات الجماد والنبات
ولعنات ملاييننا المعدمه