سؤال ويبغى شخص واضح وتوضيح
رغم البساطة بس منهو يجيبه
القلب لامنه عشق واحدٍ ميح
منهو يرده عن هواه وحبيبه
مدري خطأ حاصل ويحتاج تصحيح
مدري ولكن خافقي مبتلي به
يأهل الهوى تكفون نبغى تصاريح
والي معه علمٍ أكيدٍ يجيبه
دزولي الدكتور لو هي تشاريح
الموت هين مع سوات الحبيبة
الوضع يرثاله وأنا أقوم وأطيح
والراس شاب وبينت فيه شيبه
وا قلبي الي كل ما هبت الريح
راح يتذكر وين داه وطبيبه
أهديته الريحان والورد الشيح
وأهدتني جروحٍ بقلبي عطيبه
الله لا يسامح وجيهٍ مشافيح
أغروا مسامعها وصارت غريبة
أقفت وقفوا من وراها سلاتيح
فازوا ولكن فزت هيبة وطيبه