فالمدايح ما نجامل كل خامل
أدري الشرهة عواقبها زريه
وأن مدحنا بالمدايح ما نجامل
أمدح الونعم ولا دورّ عطية
القصايد ما تليق لرجل هامل
المدايح قسم لأهل المقدرية
من زعل يبصم على عضّ الأنامل
عادتي ما سوي المدحة فريّة
عندي أسلوبي على فنّ التعامل
لا نفاق - ولا كذاب - ولا حمية
والهلايم سقتهم سوق العوامل
لو يضيقوا من كلامي ما عليه
ندري الله ما خلق فالكون كامل
لكن - المتردية - تبقى - ردية