تشوف الهم واف عيني تصافي
مشاعر حب واسرار انصرافي
وتنهمني وانا حاضر بوصلي
وأخلي الشوق حدي باحترافي
وأناظر عينك المشهل غواها
وكانت لي وسادي واللحافي
ويصرخ حرف من اقصى فؤادي
وتقرا هم في عيني يشافي
يقول اللي حميته في عيوني
شطر حبي بمسنون الرهافي
تبعتك لآخر أوقات التمني
وتم الهم في صدري سنافي
مضاله حول مترّبع فصدري
وتباني حب في آخر مطافي؟!
خلاص الحب ما لازم طريقي
تبع بي درب مجلود المرافي
وأنا والآه نتسقّى حسايف
تقاسمني لحودي وانعكافي
تسليني إذا دمعت عيوني
وخول الدمع ع الفرقى يضافي
تخيل كيف هالمنظر دخيلك!!
وقدّر عاشقٍ عاش التجافي