تسرين بعروقي دِما وأتشبع
من غيم حسنك دون ما اشعر صبابه
عليك مردود الغلا وأتربّع
دامك معي عرش الهدو والرحابه
يفدنّك ام الرِدْع وام المسبّع
عبايتك وحدها شموخ وذرابه
حتى قصيدي بالجزاله تطبّع
لا من ذكرتك واقنبن الذيابه
عليك هيبة حكم عرشٍ لتُبّع
وقبول وجه الطيبين الغلابه
لو آخذ بثاري معاها مربّع
احس محتاج أنقتل بالمجابه
عشب الغلا في طارف الضلع ربّع
والله يديم مواصلك يا سحابه
الي مبلّل بالغلا لا تقبّع
يروح عمره للحسايف نهابه