بمشي معك وأودعك
وتروح وأقعد أحتريك
ما عندي وقت أفرح معك
بس عندي وقت أندم عليك
أنا كذا
دايم كذا
أحب أسبب لي أذى
وأصبحت ما أعرف أحب
وأصبحت ما أعرف أعيش
وصرت أنطفي وأنا أشب
وصرت أهتدي وأنا أطيش
وتبيني أعشق وأخدعك
والوحدة أتركها لمنو؟
أنا لو أفرح يوم بس
الحزن ما يقدر ينام
والناي وأوتار الكمان
هاليوم كله يفقدون
البحة في حزن الصبا
تدري لو أني أخترتني ما أخترتني
أقل حاجة من عيوني الفاضحة سترتني
وضحكت من قلبي عمر
لكن أنا أبن الفقر
والفقر ما يجرح أبد
والله ما يجرح أحد
بس البشر اللي بعيد عن الفقر
سووه منفى أيامنا
ونفونا ويا أحلامنا
وكل ما ضحكنا للفجر
صكوا شبابيك السما
وخيّم على المنفى الظلام
وإذا ضحكنا للعمى
شبّوا من الشمس الكلام
وتبيني أكذب وأضحكك
وأنا بصدقي أحزنك
جرّبت كل دربٍ جديد
وبنهايته كان الحزن
لذا أنا عايش وحيد
ما ودي أجرب معك
ولا ودي أسبب ألم لأي شخص غيري لو سمحت
بمشي معك وأودعك
وتروح ماني محتريك
ما عندي وقت أفرح معك
وأسبابي ما تخفى عليك