حتى لو الغيم فوقك
لا تدنق وأرفع الراس
خل المذلة تذل أن ذكروا أسمك بالمواقف
عادي تكون الرحوم الطيّب اللي يمتلك باس
وعادي لو أخطيت لا تَأسَف
ولكن قول آسف
يا صاحبي يا حبيبي يا رفيق العزم والياس
ياما سترت الحزن وياك بثياب السوالف
وريتك شلون أنا صبري نخل
خابرك حسّاس
أبيك لا شد قيضك تذكر أني ظل وارف
تتعب من الوقت
وتشيل الحمل
وتجرّك الناس
هذول ما يعرفون أني معاك وأنت عارف
أخاف أبقى مثل شجرة وحيدة
تنتظر فاس
يمرني الطير فتره يستريح وما يوالف
كان السفر دار
وأحزاني شنط تذكار
لا باس
أنا تبنجت بإبرة " ما عليه "
و " ما يخالف "