دينَكْ دِيني، دين الْحُبّ
الْحُبّ اللّي بْيِجْمَعْ أَكْوانْ
ما بْيِظْلُمْ مَخْلُوق الرَّبّ
اللّي بْيِظْلُمْ هُوِّي الشَّيْطانْ
مينْ غَيْرَكْ.. خَلاّنا نْحِسّ
بْقِيمِتْنا الإِنْسانِيِّه
وْوَحَّدْنا بْكِلْماتو بَسّ
بْشَخْصِيتو الرّبّانِيِّه؟
مِنْ وَحْيُو: غِذَّيْت الرُّوحْ
وْمِنْ قُرْآنو: حْصَدْت الْخَيْرْ
يا عَلِي.. وْمَطْرَحْ ما تْروحْ
يْسَهِّلْ بِالآياتِ السَّيْرْ
دينَكْ ديني.. مَحِّي اللَّيْلْ
بْنِجْماتْ حْروفَكْ يا مِيرْ
وْخَلِّصْنا مْنِ جْنون الْوَيْلْ
مْنِ الْكُتْبِ الْ كِلاّ تِزْويرْ
إِسْلامَكْ.. هُوِّي الإِسْلامْ
الْحَقّ.. الْ ما تْشَوَّهْ وِجُّو
فِسَّرْتُو.. جْبَرْت الأَحْلامْ
عَ الْكَعْبِه يْروحوا يْحِجُّوا
مِنَّكْ كانْ الْ بَدُّو يْكونْ
وْمِنْ دونَكْ ما كان الْ كانْ
مِحَّيْت بْإِيدَيْكْ ظْنُونْ
مَدِّتْ إِيدا عَ الْقُرْآنْ
يا عَلِي.. الْ عَلَّيْت بْراجْ
الْكِلْمِه، الْ بِتْدافِعْ عَنْ دينْ
لِعْبِتْ فِيه فْواجِ فْواجْ
وْتاهِتْ عَنْ دَرْبُو مْلايينْ
رَجِّعْنا.. تْعِبْنا مْنِ النَّطْرَه
عَ مْفارِقْ إِيَّام جْدادْ
يا شَايِفْ بِعْيُونَكْ.. بُكْرا
بْماضِيكْ "الْبُكْرا" بْتِنْعادْ