تكفين قولي كلمتك وارحميني
أنا غلط وإلا البشر يا مقادير!؟
احترت بالدنيا وشانت سنيني
وراحت حياتي كل أبوها مشاوير
منهو أنا!؟ أسهل سؤال يجيني
ولا ألقا جواب يقنع الروح والغير
أدري.. ولا أدري! آه بيني وبيني
حالت مسافات ووقفت طوابير
أنا الضعيف وقوّة الأرض فيني
لا عشت بالظلما ولا من مسافير
أنا اللعانة كلّها وافهميني
والحق أنا والحب والعدل والخير
أنا الغموض وطالبك فسّريني
طال اجترار الصمت يا طول تبشير
تكفين يا وعد الخيال اسمعيني
كفا وأنا أصرخ ما بقى للشجر طير؟!!