والله وخايف عليها
م اللي بيكلموها
أولهم قال حبيبتي
وتانيهم قال سفينتي
وتالتهم قال مدينتي
وانا عارف كل حاجة
وخايف لتحس بيها
خايف ليميل هواها
للي بيكون معاها
والقاني خسرت حبي
واشكي واقول ياقلبي
لكن دالذنب ذنبي
ازاي ها تحس بيا
ودقة قلبي مداريها
خايف سهر الليالي
ليضيع والعمر غالي
عمري دي حياته هيه
وقلبي ها يكون ضحية
وايامي مره وقسيه
لكن كل اللي عندي
أكتب واشرح اليها
اكتب واقول ياغاليه
يانجمة فوق وعاليه
قلبي بيحب حبك
وانا كلي تحت أمرك
أما اللي بيبقوا جنبك
انا عارف ايه مرادهم
لعبة بيتسلوا بيها
مقدرش استغنى عنها
وهاستنى الرد منها
يمكن تسمع كلامي
وحنين قلبي وغرامي
والقى الهنا قُدَّامي
يوم مالتقيها جايه
وتقوللي إني ليها