آه يازماني جرحتني
وجرحت قلبي
وزرعت فيا الوجد والأحزان
حتى ورود الهوى
ولساها بتندي
حزنت ودبلت هيه برضو كمان
كان هوه ليا السكن
واللي امتلك قلبي
غدر بقلبي وفاتني ضحية للحرمان
كدبت كل اللي صدقوا
وصدقت مين خانني
وكان جزائي الندم والمر والأشجان
اديته كل اللي عندي
وآمنته على سري
واديته شوقي وحبي واديته شوق وحنان
ليه يازماني كده
يحرمني من حبي
هانت عليه الصحبة والعشرة والخلان
أنا نفسي أنسى الجراح
وأغني من تاني
واقول كلام الحب واعزف له الإلحان
منايا اعيش في زمان
غير الزمان وانسى
وابدأ حياتي مع اللي ساكن الوجدان