يامؤمنين بالحياه بجد
ماحدش أحسن من حد
كلنا ع الطريق لمنتهاه
ولازم نسلم الرايه لحد
ياشعب مصر هاتولنا حد
للى إحنا فيه يحط حد
ويفرق بين كل المظالم
مايسيبش مظلوم لظالم
ولا يخلى حق يضيع على حد
يامؤمنين بالحياه بجد
ماحدش أحسن من حد
كلنا ع الطريق لمنتهاه
ولازم نسلم الرايه لحد
دقت بنضالك طعم النصر
وعرفت تختار طريقك
صبرت على مُر ضيقك
وفى إيديك طوق النجاة
ماتنتظرش وإنقذ غريقك
يامؤمنين بالحياه بجد
ماحدش أحسن من حد
كلنا ع الطريق لمنتهاه
ولازم نسلم الرايه لحد
ماتقولش مصر روحك
ولساك بأنين جروحك
مستكتر علينا الحياة
وتبخل بجهدك وروحك
يامؤمنين بالحياه بجد
ماحدش أحسن من حد
كلنا ع الطريق لمنتهاه
ولازم نسلم الرايه لحد
قوم ياشبابنا انهض بجيلك
خير مصرهو اللى باقيلك؟
قوم حقق اللى بتتمناه
م تنامش لحد م الفرج يجيلك
يامؤمنين بالحياه بجد
ماحدش أحسن من حد
كلنا ع الطريق لمنتهاه
ولازم نسلم الرايه لحد