حكى أن
أن أن كان ولأن
وليه بيستنى
لوقت ماغنى
وخللى ودانا
يصيبها صممون
علب السالمون
من حلاوتها ومن طعامتها
بتقربنا كتير من بعض
نموت فى العض
واللى هاينتش فروة غيروووو
يبقى حبيبنا وكتر حيرووووو
نتش وأهبش
ويوم ما هاتكبش
أكبش كبشة تليق بجنابك
وأوعى تفرط يوم فى منابك
وخللى جنابك دايما واطى
وأفضل طاطى
وكون مطاطى ولا أسفنجى
كنجى وشنجى وابن برنجى
وابن لئية إن لزم الأمر
كل ولاة الأمر مصايب
رأى وصايب
صايب صايب
كل ولاة الأمر مصايب.