حبيبي اللي في غرامه
ذقت العذاب وعشت محروم
والقلب يزداد بهيامه
في كل ليلة عنده علوم
حبه ترك فيني علامة
ويزود حبه يوم عن يوم
أغراني بكثر الوسامة
كنه من الألماس مرسوم
هو سيد الزين وإمامه
زوده عن اهل الزين معلوم
الكيك يكسي له عظامه
ويجري مع عروقه عسل دوم
خده مثل ريش النعامة
والا حرير الهند والروم
اما جمال الابتسامة
ينجن فيها سيد القوم
وعيون يا الله السلامة
نجلٍ وفيهن سحر مطموم
من فوقهن يطلق سهامه
والقلب منهم حيل مظلوم
فيه الحلا يبلغ تمامه
كامل ولا به شي مذموم
عنده لطافة مستدامة
لطافته متجددة دوم
احلا من السكر كلامه
ينسّي المهموم الهموم
لا احدٍ يلوم القلب دامه
فاقد صوابه والعزوم
خفوا علي من الملامة
راعي الهوى ما ينفعه لوم
قلي وش تفيد الندامة
والقلب بالاشواق محكوم
احيى بجيته وسلامه
وان غاب موتي صار محتوم