الايام ما تضمر لراعي الغرام احسان
تخرب عليه افراحه ولا لها مصلوح
تسلّى بنكبات الاحبة تقول ادمان
وتستمتع بشوف الجروح وسماع النوح
تقل مالها قلب ايتقطع من الاحزان
ليا مات بين ايدينها عاشقٍ مجروح
وانا لي حبيبٍ كان يجري مع الشريان
مثل ما تشوفه يجري بدمعي المملوح
جمعني معاه الحظ والحظ بعض احيان
يشابه ضمير اللي ضميره يجي ويروح
عسى الصدفة اللي كانت بتسعة حزيران
تكرر عشر مرات وان زادت فمسموح
وعسى واحد وعشرين تشرين للنسيان
خذا عقلي وقلبي ومعهم بقايا روح