تنعّم بقلبي واخذ راحتك يا المحبوب
فلا تنقفل في وجهك الطيّب ابوابه
تغلى عليّ وكل ما تمنعه مرغوب
رغبت التغلي منك يا اللي تسلى به
اشوف الهوى بلوى وراعي الهوى منكوب
وعشقت الجروح اللي تجيني من اسبابه
جروح الغرام تلوق في الشاعر الموهوب
نزيف المشاعر يروي الشعر واصحابه
ذبحني غلاك ومن محبتك كيف اتوب
وقلبي يذوب اليا سمع طاري احبابه
بغيت اتركك وانساك واغير الاسلوب
وقلبي عصاني فيك ما بدل اعجابه
عيون المحب تشوفك ولا تشوف عيوب
وْلو تْشوفها بتشوفها بعين كذابه