قصيدة عيد بن قيضي:
سلام يالشعار من دون تحديد
ردة وفا للراس فنجال دله
ثم اسمعوا يالربع وجهة نظر عيد
إيجاز فهم الشعر دقّه وجله
الشعر في عرفي كما شرد الصيد
والشاعر القناص والرازق الله
وكلا ليا منه مشى ودّه الفيد
والناس بالجزلة طمعها جبلة
رامي يركز بالهدف حيل ويصيد
ورامي غشيم ويمكن ايصيد زلة
وترى الحكيم يوكد العلم تأكيد
يصخر المعنى لنا في محله
واللي يعيد بعارض الهرج ويزيد
حطّاب ليل وكل عود يشله
مجارات: حسن عامر.
يا مرحبا مليون ترحيب وا عيد
ترحيب يوصل فوق سطح الأهله
ترحيب بالجيد سليل الأجاويد
شاعر قضاعه والكرم عادة له
وأنا مع رايك موافق بتأييد
ويالله تجملنا بعلم نجله
والشعر بندق والمعاني مطاريد
واحد ذكي وكل درب يدله
إذا ورد يشرب عذاب المواريد
ويقطف من البستان ورده وفله
واحدٍ يشيّل بندقه والعباريد
علّه ومن يرجي ينومسه علّه
يرمي على لأهداف من غير تسديد
ورميه يوقع فوق راسه وظله