يا هاجسي والشعر في ظلمة الليل
نسهر مع طول الليال الحزينة
ولا تعدّل واقع الوقت والميل
وما لنا غير الصبر والغبينة
راحت سنين العمر بالحطّ والشيل
ويا كم نداوي مالجروح الدفينة
يا ما شربنا الصبر شرب الفناجيل
ويا ما نعدّل في مسار السفينة
ولا لقينا إلا العنا والبهاذيل
والعمر طرّف في توالي سنينه
يا ما عرفنا من صنوف الرجاجيل
مستوطنين البادية والمدينة
الموت يقفل باب الآمال تقفيل
وأقرب إلى المخلوق من طرف عينه
يالله عسى في تاليتها تساهيل
وامنن علينا بالهدى والسكينة