لا ضاق صدرك والليالي تحدتك
اصبر عليها والصبر زين لو طال
لا تنحني للوقت وتروح هيبتك
وتموت بالحسرة ولو كنت رجال
واحذر تدور عند الأنذال حاجتك
لا تقضي الحاجة ولا تستر الحال
واحذر تبين لاقرب الناس شدتك
لو تزعله لحظة حكت فيك الأجيال
وإن صرت ضيف الناس لا تطول مدتك
غالي تجي وتروح يا طيب الفال
وإن كان همك فالزمن بس لقمتك
الفول بريالين والخبز بريال
قولو لبن جدلان كبرت هقوتك
الصبر حمله مثل من يحمل جبال
والهيبة اللى تسكن الجوع معدتك
بعها ولو كان الثمن ربع مثقال
وللاش قل يابيه يا كبر قيمتك
وقله ذياب الخيل قيدوم الأبطال
وأقرب قريب إن ما صفى في مودتك
سيبه مادام انه مشى درب الأنذال
وان صرت ضيف اقعد وكل عب جحتك
وحاول تطّول ضيفتك روح وتعال
واجعل همومك لجل بطنك وعيشتك
هذ الكلام الجد يا معرب الخال