مشكور ياظرفٍ كشف بعض الاصحاب
كم واحدٍ وقت اللوازم تغيّر
يوم السعه واصحابي افواج واسراب
قول المثل ماغير طبّ وتخيّر
وان جت علوم الجد في فتل الاشناب
تناثروا مثل الحمام المطيّر
من سرعة المنحاش ماميّز الباب
يخاف من عقب أخوياه يتحيّر
قولوا لهم من غير تجريح وعتاب
قلبي عن اصحاب المصالح مذيّر
من لا وقف جنبي على يسر وانشاب
ماهو بخادعني فلاني صغيّر
يغيب يحضر ماحسبنا له حساب
كفّه على ردّ الجمايل قصيّر
حسن عامر
آل عيسى