ياوجودي على طفل تهمل عيونه
بعد قالوا له امك غادرت ياضناها
كلما شد حبل الصبر دمعه يخونه
ويتوجد يقول بكره يعوّد سناها
كيف ترحل وهي ماغيرها أم حنونه
وكان ماعوّدت روحه تزايد شقاها
قبلها مات ابوه وجددت له طعونه
كن في وسط جوفه نار توقد لظاها
ليت منهو يشوفه يوم يرخي متونه
شاحب الوجه وكتوفه بضيمه ثناها
وشبكم يا عباد الله ماترحمونه
لعبة التسليه من خلقته ماقناها
ياهل الأموال يا ليت انكم تكفلونه
صنعت الخير ربي مايضيّع جزاها