ليت الحياة تصفى والاحزان تنزاح
والهم يخجل من فعايله ويروح
قضيت عمري بين الاتعاب سواح
عايش معذب ضايق الصدر مجروح
كم أن قلبي من همومه وكم ناح
كم حزن عانقته كم امسيت مذبوح
شيب الشعر من كثر الاوجاع قد لاح
ودرس المأسي صار واضح ومشروح
جنيت من صدقي معانات واجراح
والطيب باني باب ل الهم مفتوح
مكسور خاطر والسبب بعض الارواح
راحوا وسابوا جرح في العين مفضوح
كانوا دوايا وراس مالي والارباح
كانوا سعاده وقربهم منية الروح
كانوا جبل عالي بس الجبل طاح
وبسبابهم دم الفرح صار مسفوح
زادوا عنايا بس لي قلب سماح
وعن كل جارح صحت ياناس مسموح
هذا جزاء طيبي والاخلاص ياصاح
وهذا لأني بالوفاء كنت ممنوح
اشتقت للراحه الا وين الافراح
صوتي من الاتعاب شاحب ومبحوح
نفسي اكمل باقي العمر مرتاح
لا ضيق لآ احزان لا قلب بينوح