عايش مع الاحزان والضيق وحدي
والهم ساكن وسط قلبي وذاتي
دنيا رديئه فرحها دوم ضدي
بين المواجع عشت كامل حياتي
كم ناس في لحظه تناست لودي
وانا الذي فيهم رسمت امنياتي
واشخاص كانوا اغلا الاحباب عندي
في حبهم ماحد يسوي سواتي
عليتهم واعطيتهم فوق حدي
وادعي لهم بالخير ساعه صلاتي
بين الحشا كانوا ومابين كبدي
حطيتهم بالعين وداخل رياتي
ماخنتهم كلا ولا اخلفت وعدي.
والكل ب النكران ردوا جزاتي
في حزنهم الكل ماسك ب يدي
والكل تارك وقت ضيقي يداتي
من غدرهم دمعي جری فوق خدي
مافادني طيبي ولا تضحياتي
ضيقهم لا كنت عايش بسعدي
وتغيضهم حتی ابتسامه شفاتي
ب انسی هواهم وانت ياهم عدي
ابغی السعاده قبل ساعة وفاتي