يارب عبدك مل من ظيقه الحال
بين العنا عايش وله صدر مخنوق
فرج همومة يا إلاهي والاثقال
يامن تفرجها على كل مخلوق
مشيت في درب المعانات اميال
لأن الفرح من صدر الايام مسروق
وقت الاساء طول وعمر التعب طال
ومن كثر همي اصبح القلب محروق
لا حلم اسعى له ولا عندي امال
وباب الامل مغلق عليها ومصفوق
عزفت من حزني على كل موال
وابيات شعري للفرح كلها شوق
بنيت من همي وأسست تمثال
وأصبحت للاتعاب عاشق ومعشوق
صار الوفاء في هالزمن غير فعال
والكذب متصدر وله قدر مرموق
كم شخص ظنيته محنك ورجال
لكن مع الايام يطلع ولد سوق
للمصلحه عاشق وللغدر ميال
فيه الوفاء ميت والاخلاص مشنوق
يعيش سالي كل جاحد ومحتال
ويرفع مقامه بالخيانه الى فوق
دنيا السعاده والمسره ل الانذال
واهل الوفاء تشرب من الهم وتذوق