أتذكّر كلّ شيء..
غيرتك، خوفك علي
عشت في ظلّك أمان
ضحكتك تملى المكان
كنّي في غير الزّمان
كلّ هذا فجأة طار..
ودّي أعرف ش اللّي صار!
ما تهمك سيرتي
ناوي تترك ديرتي
كم غرقت ف حيرتي
وين ترحل!
يا أخي من حقي أسأل!
وين ترحل!
من بهذا الصمت يقبل!
وين ترحل!
واللي حبك عادي يزعل!
وين ترحل!
أدري ما في يدّي حلّ
وتدري صمتك ما هو حّل
بس تكلم واشتكي
لين ما يبقى حكي
وعلى قلبي ارتكي
أشّر بْرمشك وأقوم
آخذك بالحضن دوم
ما أرد بعض الجميل
حتى لو حملك ثقيل
أنت يالقلب الأصيل
وين ترحل!
يا أخي من حقي أسأل!
وين ترحل!
من بهذا الصمت يقبل!
وين ترحل!
لا تخلي الحب يذبل
وين ترحل!