وقدرت أكون ضحية ألى روح: خالد سعيد
وقدرت أكون ضحية
على أرضك ياأسكندرية
بدل مالبس قضية .. متلفقة
ويطلعولى بانجو ومطاوى وحبة ممنوعات
أتلموا عليا المخبرين الحصاوى
ودسولى مخدراتهم لما منعت الرشاوى
نزلت على جسمى زلازلهم وحتما تقوم قيامتى
لاعرفت أقيم ضهرى ولا أرفعلهم هامتى
فهموها غلط أبتسامتى
وقوام كانوا محضرين ورقتى
حاصرونى وسودوا لى دنيتى
م حدش منهم يقدر يدفع ديتى
دنا المصرى واسكندرانى .. إيه كونيتى
صحيح ماليش ضهر يسند جثتى
ولاحد يستر عورة العجز .. مع يأسى
وقت ما ه دافع عن نفسى
أدينى أترميت بإيدهم .. ومقدرتش
أشوف بعينى النور من طوفان غدرهم
ولو عرفوا قد إيه وجعنى ضربهم
كانوا أفتكروا رحمه ربى .. وربهم
نسيوا إن هما مجرد مخبرين
وناس شبهنا مقهورين
مخبرين وماهماش مُجبرين . .
ياكلوا ُسحت شحاته و سلبطة
يسرحوا ع الخلايق..
مين هيدفع لهم من غير لخبطة
على ايدهم كل الوشوش متشلفطه
مابقوش آوادم .. وهما شياطين متنططة
أفكارى فى بحر أفتراهم متلخبطة
ألاحق على إيه ولا إيه
الكبير فيهم شجعهم عليه
مع إنهم لو ضاعوا مش هايرجعهم
كان نفسى ألاقى الحق اللى يوجعهم
ونا ضحية لَعنتهم وهى بتودعهم
مين قبلى .. و مين اللى بعدى؟؟
ها يخلعهم خلع .. ينزعهم
نظامهم ظالم لما يرفعهم
ياشعب مصر قوم وأمنعهم
أنت معايا؟؟ ولا
أنت
معهم