نفسي في
اللحمة يا ناس
وحشاني بقالها زمان
ف بطاطس أو قلقاس
يا سلام لو شوربة كمان
دالعدس يا هووه غلوه
ودا كان أكل الغلبان
لو جيت أحلم وأقول
فرخة أو لحمة راس
تصرخ حرمي تقول
شوف حل يا ابن الناس
زوّد مصروف البيت
أنا أصلي طهقت خلاص
م العيشة ياناس مليت
ويوماتي زعيق ونقار
خناقات علي سعر الزيت
وحياتنا مرار ف مرار
مش نافع أي حوار
ودا كله من الأسعار
في زيادة بشكل مهوول
ومرتب عنده جفاف
مش نافع فيه محلول
عايز نجدة وإسعاف
دان جاب طعمية وفول
بكره راح ناكل حاف
الوضع صراحة مخيف
يا لطيف الطف يا لطيف
راح ندعي عليكو ونقول
ملايينكو يجيلها نزيف
وتجوعوا ماتلاقوا الفول
والسادة الوزرا دول
يشحتوا مايلاقوا رغيف