يا مَعرب العُجمة على مبناك عللت السبب
جبت الخبر فيه العبر يا ليت ما جبت الخبر
اللي سمع واللي رمع واللي قرا واللي كتب
ينحاز للي يدركه لامن تغنّاه وزَمَر
في آفة الأخبار يا خبّار لله العجب
تفرقت كل الخلايق بين شيعات وزُمر
لو يشتبه لك يوليو تموز ما شابه رجب
لو يختلف وجه المشارق ما اختلف وجه القمر
تاريخنا مثل الزمرد لامع ومثل الذهب
لو ألفونس ياهيه يشبر علمنا له ماشبر
ما يقدر اليونان ياصل مثلنا متن السحب
والفرس والرومان والهندوس عبّاد البقر
فالحرب ولاّ الحب نرفع روسنا ما نحتجب
وانشد بني عُذره عن العشق المسمى بالمطر
لو سولف التاريخ عنا جوّنا دايم رحب
أرق وأطهر من سواليف المصاهيب الحمر
لو نشتهي ما نقتطف يا صاحبي غير العنب
وأمثال مجدولين تتبع فالهوى منهو غدر