يا سيّدة هذا الشروق وصباحه
وش جاب عينك في مساء طاري الشوق
مشتاق لك واقولها بالصراحه
جفّت عروقي ما بقى عندي عروق
انتِ استبحت القلب واللي استباحه
يآمر وينهى مالي ب قلبي حقوق
رمشك يصوّب ب اتجاهي سلاحه
والعين شقرا جات في لحظة شروق
والوجه بدرٍ فيه سَمْت وسماحه
ماله شبيه ولا يباريه مخلوق
داوت جروح المنغمس في جراحه
تسجنه فيه عشقه ولو كان مطلوق
غابت وباقي في يديني وشاحه
والعطر ما كنّه من العام محروق
تلوي ذراع الوصل وتكسر جناحه
حتى عذابك يا منى الروح معشوق