ما يبين الجرح والوضع إبتسام
ولا يبين العز في وضع الركوع
طال فيني الصمت واهملت الكلام
دام بعض الهرج به ذل وخضوع
بجمع عتابي وسط صدري وانام
ولو كثر فيني الحكي ماني جزوع
رح عسى دربك تساهيل وسلام
دام منت بحبي الطاهر قنوع
كنت احسب اني طموحك والمرام
وكنت احسبك في غيابي لي تجوع
وأثر منت الي لعب فيك الغرام
واثر منت الي على فراقي هلوع
ودام مالي قدر عندك وإهتمام
ليه اعيش بجور حبك في خشوع
بجمع قوايه بعد كانت حطام
وبقتل الذكرى ولو تأتي جموع
وبهزم الاوهام واشد الحزام
ولا لي بدربن يودي لك رجوع