هذا الرجل ابمدحه قدر الإمكان
وأنا أدري أنّه ثالث الجدي وسهيل
من كثر ما تذبح يمينه من الضان
إذا حضر تجفل جميع المطافيل
يقوله اللي شايفه شوف الأعيان
تقول قطعان الغنم كلها حيل
يا عيد ابن راجي لك الطيب عنوان
مثلك من اللي يتعبوون الرجاجيل
الكل يفخر فيك يا ذرب الإيمان
تاريخ نفخر فيه جيل بعد جيل
من كثر م اسمع عنك يا طير حوران
كن الكلام مقدم في فناجيل
اقدع من أفعالك وأنا حيل طربان
مثل القناد اللي مع البن والهيل
يا مقدم للضيف حشو وخرفان
والعود الأزرق والدلال المباهيل
من لابةٍ تفخر بهم كل ويلان
عدوهم من باسهم يشكي الويل
اشاجعة فرسان من روس فرسان
يوم أنها بالسيف والرمح والخيل
واليوم نحمد ربنا عالي الشان
اللي حمى بيته ودمر هل الفيل
نعيش وسط المملكة مثل الإخوان
في عهد منهو لاعطا يوفي الكيل
في ظل أخوه نوره وفي عهد سلمان
ومحمد اللي رؤته كنّها السيل