هلا والله عدد وبل المزون اللي رعدها د ن
مجال الشعر واسع وأنت شعرك كله أنبر ون
على شعر الرجال أهل العقول أفكارنا يضمن
غزيت الهاجس اللي يطربه فنك يا (مستر بن)
على روس الجبال العالية حلّقت ياكبتن
هواجيسك سمينه يالنفيعي والكلام أسمن
ترى مدحك يشرفني وفيك من المدوح أحسن
أعرفك من رجالٍ ما رضوا بالهون والأهون
رجالٍ مجدهم مثل الجبال الراسية وأرزن
تعاملني معاملة الصديق الصادق المؤمن
وأنا والله مابور ولا أنكر المعروف لين أدفن
صديقي من يساعدني على همومي لياكبرن
ماهوب اللي يصادقني على ضحكه ولعبة صن
أبا أغني على صوت الهبايب كل ماهبن
أنا فكري على رسم البيوت النادرات أدمن
لا والله ما تحركنا العواصف والعلوم. أبدن
مادام الشمس تنشر نورها، يا قلب لا تحزن
يا ناصر يا وسيع العرف قلبي للقصايد، حن
ترى ساعات (سيكو) تحترم ساعات (سيتي زن)
تعرف أخبار (بنسلفانيا) وأخبار (واشنطن)
رمانا وقتنا بسهوم، كم صابن وكم أخطن
هلا والله عدد وبل المزون اللي رعدها دن