حرام يصير هذا اللي يصير ولا نكون احباب
حرام اثنينا محدٍ تحمل غلطة الثاني
كفاية والله ان بخوتنا طارت فرق واسراب
واذا صحاك طاري للحنين المر صحاني
لو ان الضيق ودى ياحبيبي للرضا ما جاب
وش اعطاك الزعل من هالجفاوانا وش اعطاني
أنا كنت اعتذر ما كنت ادور للفراق اسباب
ولا كنت انتظر سجن الهموم وهم سجاني
احس ان الوله بيني وبينك فص ملح وذاب
واخذني للشتات وفالدروب الغبر سراني
واحس بغربة ايامي بعد هذا الجفا تنساب
على رمل القصيد وتنبت الدمعة بقيفاني
أجي من باب شوقي لين يقفل منك شوقي باب
واشدك من خماسين الوله وتزل بيباني
متى بلقاك يالوجه البشوش الطيب الجذاب
متى ترجع بدافي قلبك الطيب وتلقاني
متى والله فقدتك والامل في غيبتك كذاب
وأنا ما عاد فيّ اقبل بحزنك وانجرح ثاني