يا دكتور قلي ويش هو آخر خبر قلي
ترى لي ثلاث سنين والنفس مكسورة
يميني عسى بالطب تلقى لها حلي
ويا كم طبيب قال ماهي بمجبورة
أبا ارتاح وهون من الحط والشلي
وذي قدرة الله والمقادير مقدورة
أبا صبر وأصابر وامشي الدرب وادلي
وثولث خطا رجلي وعانز بباكورة
ويا جرحي اللي دوم يطغي على كلي
جروحه عميقه كنها نار مسعورة
إذا الناس ناموا كني اشوا على الملي
ولي ونة بالليل بالصوت مجرورة
عسى الله يفرج هم قلبي ويجعللي
من الهم والضيقات حسنات موفورة