يا دار علمني وقل وين راعيك
اللي بنى ساسك وعلّى جدارك
يا دار لو سجيت رجلي حواليك
من كثر ما أغلي بقلبي شعارك
ويا دار جاوب صوتي اللي يناديك
يرجع صدى صوتي وطال انتظارك
لي عبرة ما كنها كلما أجيك
لا شفت بيبانك وقاسي حجارك
لي حق أزورك وأنثر الدمع وأبكيك
وأحاورك لو ما ترد بحوارك
يا دار أنا حبك ومن قلبي أغليك
لا تلوم رجلي كلما جاء وزارك
يا دار وين اللي من أول حواليك
اللي مكبّر هيبتك واعتبارك