يا جيبي اللي على الطرقة مخاويني
ناوي بسيره بعيده يالله الخيره
أنشهد انك وفي دايم توديني
أمسي بديره واكون الصبح في ديره
ياباني الصنع ماهو وارد الصيني
يا زين صوته اذا افترت تواويره
لي شف في رفقة الأجواد مشقيني
كب الذي رفقته شيشه وتعميره
رفقة نشاما من أهل الطيب والديني
ممن يعظم كتاب الله وتفسيره
رفقة هل الطيب تشرى بالملاييني
ولا الردي رفقته تجلب لك العيره
والعاقل يعرف ويش الزين والشيني
يمشي بعقله وتدبيره وتفكيره